ولايت نوے بحري فوجي مشقيں

ابنا: ايران کي ولايت نوے بحري فوجي مشقوں کے اب تک کے تمام مراحل کاميابي کے ساتھ انجام پائے ہيں -

اس موقع پر ايراني بحريہ کے کمانڈر ايڈميرل حبيب اللہ سياري نے صحافيوں سے گفتگو کرتے ہوئے ولايت نوے بحري فوجي مشقوں کے اب تک کے تمام مراحل کو انتہائي کامياب قرار ديتے ہوئے کہا کہ ايراني افواج کي جنگي حمکت عملي کے تعين ميں ضروريات اور درپيش خطرات کو مد نظر رکھا گياہے -

انہوں نے ايراني بحريہ کے کمانڈروں اور جوانوں کي توانائي کي طرف اشارہ کرتے ہوئے کہا کہ ہم دشمن کي جانب سے لاحق تمام خطرات اور اس کي نقل و حرکت پر نظر رکھے ہوئے ہيں اور اسي بات کو مد نظر رکھتے ہوئے ايراني بحريہ کي جنگي مشقوں کي حکمت عمل طے کي گئي ہے -

ايڈميرل سياري نے ولايت نوے بحري فوجي مشقوں کے وسيع علاقے ميں بحري دستوں کي موجودگي، توانائي اور سرعت عمل کو قابل تعريف قرار ديتے ہوئے کہا کہ سرعت عمل، تعميري توانائي اور محا‌فظت وخلاقيت، ايراني بحريہ کي نماياں خصوصيات ہيں جن کا ولايت نوے بحري فوجي مشقوں ميں مظاہرہ کيا جارہا ہے -

انہوں نے علاقے سے باہر کے ملکوں بالخصوص امريکا کو مخاطب کرکے کہا کہ اسلامي جمہوريہ ايران، ان کي دھمکيوں، ان کي جانب سے لاحق خطرات اور ان کي نقل و حرکت پر پوري طرح نظر رکھے ہوئے ہے اور انہيں دنداں شکن جواب دينے کے لئے تيار ہے -

ايراني بحريہ کي ولايت نوے فوجي مشقيں آبنائے ہرمز، بحيرہ عمان اور بحر ہند کے شمال ميں بيس لاکھ مربع کلو ميٹر کے وسيع علاقے ميں جاري ہيں -

بين الاقوامي سمندر ميں اسلامي جمہوريہ ايران کي طاقت و توانائي کي نمائش، آزاد اور بين الاقوامي سمندري حدود ميں ايراني بحريہ کے جوانوں کي مقتدر موجودگي، علاقے ميں رفت و آمد کرنے والے بحري جہازوں کو کنٹرول کرنا ، ماحولياتي آلودگي سے سمندر کو پاک رکھنا، اور بحري دہشتگردي نيز قذاقي کا مقابلہ ولايت نوے بحري فوجي مشقوں کے اہداف ميں شامل ہے -

........

/169